81. Сурат АТ-ТАКВИР

ДIахьарчор

(Маккахь доьссина‚ дерриге а 29 аят).



Ша сов къинхетаме а‚ къинхетаме а волчу Делан цIарца.

1 Аят
Малх дIахьарчича‚ إِذَا الشَّمْسُ كُوِّرَتْ
2 Аят
седарчий охьаэгча‚ وَإِذَا النُّجُومُ انكَدَرَتْ
3 Аят
лаьмнаш /шайн меттигашкара/ дIадоладалийтича, وَإِذَا الْجِبَالُ سُيِّرَتْ
4 Аят
пхора 1 эмкалш Iу воцуш йитича, وَإِذَا الْعِشَارُ عُطِّلَتْ
5 Аят
акхарой гулйича 2 ‚ وَإِذَا الْوُحُوشُ حُشِرَتْ
6 Аят
хIордаш дагийна‚ царах цIе хилча‚ وَإِذَا الْبِحَارُ سُجِّرَتْ
7 Аят
синош /шайн дуьненахь хиллачу догIмаш чу/ дIадерзийча 3 ‚ وَإِذَا النُّفُوسُ زُوِّجَتْ
8 Аят
дийна долуш /кешнаш чу/ дIадоьллина хиллачу зудабере 4 хаьттича, وَإِذَا الْمَوْؤُودَةُ سُئِلَتْ
9 Аят
х1ун къа бахьанехь иза дийна хилла аьлла, بِأَيِّ ذَنبٍ قُتِلَتْ
10 Аят
/нехан Iамалш тIеяздина/ тептарш дIасадекъча (цаьрга шайга д1аделча)‚ وَإِذَا الصُّحُفُ نُشِرَتْ
11 Аят
стигал /уьстагIан цIока йоккхуш санна схьаоьзна/ д1аяьккхича‚ وَإِذَا السَّمَاءُ كُشِطَتْ
12 Аят
жоьжахати дIалатича‚ وَإِذَا الْجَحِيمُ سُعِّرَتْ
13 Аят
ялсамани /Делах кхоьруш хиллачарна/ гергаялийча – وَإِذَا الْجَنَّةُ أُزْلِفَتْ
14 Аят
/И массо а хIума хилча, тIаккха/ синна хуур ду, ша хIун деана 5 . عَلِمَتْ نَفْسٌ مَّا أَحْضَرَتْ
15 Аят
ХIан-хIа! Дуй боу Ас дийнахь хьулдечу, буьйсанна гучудолучу (къегачу) седарчех. فَلَا أُقْسِمُ بِالْخُنَّسِ
16 Аят
/Маьлхаца, баттаца/ дIасалелаш‚ тIаккха /малх д1абузучу хенахь/ къайладовлуш долчу седарчех а‚ الْجَوَارِ الْكُنَّسِ
17 Аят
буьйсанах а‚ иза Iаржъелча‚ وَاللَّيْلِ إِذَا عَسْعَسَ
18 Аят
Iуьйренах а‚ иза серлаяла йолаелча: وَالصُّبْحِ إِذَا تَنَفَّسَ
19 Аят
баккъалла а, иза (Къуръан) сийлахь долчу элчанан 6 дош ма ду‚ إِنَّهُ لَقَوْلُ رَسُولٍ كَرِيمٍ
20 Аят
нуьцкъала долчу, Шегахь Iарш йолчун (Далла) гергахь чIогIа долчу‚ ذِي قُوَّةٍ عِندَ ذِي الْعَرْشِ مَكِينٍ
21 Аят
/шена кхин маликаш/ муьтIахь долчу‚ цигахь ша тешаме долчу. مُطَاعٍ ثَمَّ أَمِينٍ
22 Аят
Ма вац шун накъост (Мухьаммад) жинех /цхьаболчу керстанашна ма моьтту/. وَمَا صَاحِبُكُم بِمَجْنُونٍ
23 Аят
Цунна 7 и (Джабраил-малик) ма гира серлаяьллачу анахь (стиглан арахь). وَلَقَدْ رَآهُ بِالْأُفُقِ الْمُبِينِ
24 Аят
Иза-м а вац шега къайлаха (нахана ца гуш долу) доуьйтучу ваьхьех хIумма а эшадеш (нахах хьулдеш‚ ца дуьйцуш). وَمَا هُوَ عَلَى الْغَيْبِ بِضَنِينٍ
25 Аят
И (Къуръан) ма дац /цхьаболчу керстанашна ма моьтту/ шена не1алт 8 аьллачу шайтIанан дош. وَمَا هُوَ بِقَوْلِ شَيْطَانٍ رَجِيمٍ
26 Аят
Шу мича доьлху /цу Къуръанна инкарло еш/? فَأَيْنَ تَذْهَبُونَ
27 Аят
Иза беккъа хьехам бу Iаламашна‚ إِنْ هُوَ إِلَّا ذِكْرٌ لِّلْعَالَمِينَ
28 Аят
шух ша нисвала лиъначунна. لِمَن شَاءَ مِنكُمْ أَن يَسْتَقِيمَ
29 Аят
Шуна луур-м дац, Iаламийн Да ша волчу Далла ца лаахь. وَمَا تَشَاؤُونَ إِلَّا أَن يَشَاءَ اللَّهُ رَبُّ الْعَالَمِينَ
1 Пхора эмкалш хьахийна кхузахь, уьш Iаьрбийн уггар сийлахь даьхни хиларна.
2 Къематдийнахь массо а акхароша‚ дийнаташа везачу Делан омранца кхиэл оьцур ю дуьненахь шайна бохам бийначаьргара‚ тIаккха цаьрга "чан хила" эр ду.
3 ШолгIа сур (Исрафило зурма) лекхча (къематде хIуттуш), хIор са шен дуьненахь хиллачу дегIа чу дIагIур ду лекха-воккха волчу Делан омранца. Сабунийс цуьнан маь1на иштта дина: къематдийнахь синош цхьаьнатухур ду: къинош динарг- къинош диначуьнца жоьжахати чохь, дика 1амал йинарг- дика 1амал йиначуьнца ялсаманехь.
4 Бусалба дин тIедале цхьацца болчу Iаьрбийн Iадат хилла шайна дуьненчу даьлла зудабер, дийна а долуш, каш чу дIадуллуш, йоI шена дуьненчу ялар ца дезаш а‚ куралла еш а. Бусалба дино дIадаьккхина и боьха Iадат.
5 ХIор синна хуур ду оцу къематдийнахь, ша хIун кечдина хилла дуьненахь долуш оцу денна.
6 Элча – кхузахь: Джабраил-малик. Цо иза лекха-воккха волчу Делера дахьаш долу дела, цуьнан дош аьлла.
7 Мухьаммад-пайхамарна ﷺ гуш хилла Джабраил-малик шен хазачу суртехь, и ваьхьий дахьаш догIуш.
8 1аьрбийн дешан رجيم Раджим юьхьанца маь1на хилла Т1улгаш бетташ, эккхориг. И хилла ч1ог1а сийсазалла, не1алт алар. Дукха хьолахь и сибат шайт1анна деш ду. Цуьнан маь1на ду: Дала Шен къинхетамах генадаьккхинарг.